Ma’s en dogters van die VLU se Nocturne-tak het vergadering gehou by Vinkel en Koljander Kleuterskool en kosblikkies met baie vreugde, liefde en omgee ‘gepak’.

Die heerlike aandsvergadering wat op 4 September gehou was, se tema was ‘kom ons maak ’n kosblik’.

Elkeen wat die aand saam kom geniet het, het ’n ‘gesonde’ kosblik op hulle tafels gekry met gesonde eetgoedjies daarin soos gesondheidsbrood en vrugte.

Mari Pike was die gasspreker en het verduidelik hoe om ’n gesonde kosblik te pak – “Dis ’n eenvoudige ding, maar wat ’n groot impak op ons alledaagse lewe het. Gelukkig is dit more Vrydag, Vrydag is my dag!” het sy sommer uitgeskreeu”.

“’n Gesonde kosblik is noodsaaklik vir ’n wakker brein, dus moet daar proteïne, suiwel, stysel, vrugte, groente en natuurlike produkte soos neute in die kosblik wees”, het Mari Pike gesê.

“Wanneer jy elke dag so ’n kosblik pak, sal jy ’n gesonde lewe leef. Vermy melk, joghurt, vis en vleis. As dit ’n somersdag is, vervang dit met ’n kolwyntjie of sommer met ’n vrug”. het Mari Pike gesê.

Na aanloop van die verduideliking van hoe om ’n kosblik te pak, het al die dames ’n rukkie ontspan, koffie gemaak en heerlike eetgoedjies, soos pasteitjies, cremora tert en kolwyntjies saam mekaar geniet en lekker gesels.

Sien meer fotos hier:

Nuus wat saak maak … Volg WITBANK NUUS op ons webtuiste, Facebook, Twitter,  Instagram of TikTok

Gesels met ons: info@witbanknews.co.za