Vroue hou hul wortels geanker

Tussen die diep hartsgesprekke is daar selfondersoek ook gedoen terwyl pastoor Denise Delport oor die vrou by die put gesels het.

September 11, 2025

Zita Goldswain 1 minute read

‘n Saal vol van die allermooiste blomme, helder gedekte tafels en laggende vroue het die prentjie geskilder van die Emalahleni Revival Church se vrouetee.

Dié heerlike vrouetee wat op 6 Augustus aangebied was, was ‘n feesviering van die lewe en God se onvoorwaardelike liefde.

Pastoor Denise Delport se woorde het diep spore gelaat.

“Winterseisoene is nodig om wortelstelsels te ontwikkel,” het sy afgeskop.

As die Augustuswinde kom, is dié boom vasgeanker.

Sy het verduidelik winterseisoene is die moeilikste seisoen in ‘n lewe.

Sy het die gaste aangemoedig om nie bitter te raak in moeilike tye nie.

Want dit is die seisoen waarin God Sy werk doen en wonderwerke verrig.

“God se plan is om vir ons ‘n lewe van oorvloed te gee, maar dan moet ons die vullissakke afgooi en sonder bagasie uitreik en in oorvloed ontvang.”

Benewens die kragtige boodskap, is die vroue ook bederf met heerlike verversings en die lieflike stem van Tanya Duvenhage, ‘n plaaslike inwoner van Ga-Nala, wat die vermaak verskaf het.