eMalahleni is in rou gedompel na die nuus dat jufrou Vanessa Dempsey oorlede is.

Juffrou Dempsey het vanoggend in die hospitaal gesterf nadat sy gister geval het.

Haar man, Johan Dempsey het aan WITBANK NUUS gesê  hy kan nog steeds nie glo dat sy vrou oorlede is nie.

“Ons is stukkend,” het hy gesê.

Hartseer het hom oorval en hy het genoem hy sal later die week al die reëlings deurgee.

Juffrou Dempsey het jare by HTS skoolgegee, en onlangs op pensioen gegaan.

“Met swaar harte het ons verneem van die afsterwe van Juffrou Dempsey, ‘n geliefde oud-kollega met ‘n hart vir liefdadigheid en toegewyde toersime onderwyseres en departementshoof,” was die boodskap op die skool se sosiale media.

Medelye stroom in op die skool se Facebook-blad.