‘Dis ekke daai’ sê plaaslike inwoner nadat video op sosiale media verskyn
JP Steenkamp in sy Isuzu se video het die hele land aan die gons en dit net omdat hy ’n man met jig gehelp het.
Die sosiale media was in rep en roer nadat ’n video wat wys hoe ’n Isuzu bakkie ’n diep poel water deurstuur, viraal gegaan het.
Lesers se reaksie was oorweldigend en opmerkings soos, “Jis daai bakkie kan maar,” word gehoor.
Die video het reeds die 300 000 kerf verbygesteek.
Die video, wat op WITBANK NUUS se TikTok-kanaal gedeel is, wys hoe ’n motoris ’n Isuzu behendig deur die watermassa onder ’n brug stuur.
SIEN DIE VIDEO HIER
@witbanknews The R545 is flooded at the overhead bridge. Travel with caution.#Floods #weather #rain #Emalahleni ♬ original sound – witbanknews
Te midde van die aanmoediging kan ’n stem gehoor word wat die bakkie se vermoë prys.
“Dis my vriend daai, hy bring my vis daai ene.”
“Daai Isuzu sal daar verby gaan, hy sal maklik deurkom,” word daar gehoor.
Die bestuurder, JP Steenkamp, het vinnig laat hoor: “Dis ekke daai!”
JP het vertel dat hy en sy dogtertjie, Chinique, Sondagoggend gaan visvang het.
“Ons het so agt gevang toe die weer skielik opsteek. Met die terugkom het ons die water onder die brug teëgekom en deurgestoot, want ’n Isuzu kan,” het hy trots gesê.
Wat die storie nog meer besonders maak, is die rede waarom JP twee keer deur die water moes ry.
SIEN DIE VIDEO HIER
@witbanknews JP Steenkamp who maneuvered through a ‘river’ of water shows us the video footage from inside his Isuzu. #Isuzu #rain #weather #adrenalinerush #stunt ♬ original sound – witbanknews
Hy het die bakkie weer deur die water gewaag om vis vir die man aan die ander kant te vat, wat die video geneem het.
Die rede? Die man eet nie rooivleis nie, want hy het jig.
JP het die debat weer van vooraf begin en gewys met ’n Isuzu kan jy enige plek ry.
Nuus wat saak maak … Volg WITBANK NUUS op ons webtuiste, Facebook, Twitter, Instagram of TikTok
Gesels met ons: info@witbanknews.co.za
*Hierdie artikel is aangepas sedert dit aanvanklik gepubliseer is, om aan te dui dat Steenkamp Sondag gaan visvang het, en nie Saterdag soos aanvanklik berig is nie.
