Troeteldiereienaars word gewaarsku om uiters versigtig te wees aangesien hondevergifting weer toeneem.

Annamarie Gerber het inwoners op 13 November op die Blancheville WhatsApp groep gewaarsku nadat sy stukke vleis in haar erf gekry het.

Sy woon in Rhoodestraat.

“Iemand moes deur die nag die vleis oor my muur gegooi het.”

Sy het gesê haar hondekinders is darem veilig.

“Wees bedag op vreemde voorwerpe: Inspekteer jou tuin gereeld vir enige verdagte kos of vreemde voorwerpe wat oorgegooi kon word. Verwyder dit onmiddellik,” was haar raad.

Inwoners word versoek om proaktief op te tree: Hou honde in veilige, geslote areas, veral oornag of wanneer niemand tuis is nie, en wees te alle tye bewus van vreemde aktiwiteite in die buurt. Indien enige verdagte lokaas gevind word, moet dit versigtig verwyder en by die polisie of DBV aangemeld word.

Volg WITBANK NUUS op ons webtuiste, Facebook, Twitter,  Instagram of TikTok

Gesels met ons: [email protected]