‘n Motorfiets met groot sentimentele waarde is vroeg vanoggend uit Rhoodestraat gesteel.

Ettiene Becke, die eienaar, het vertel dat dit die laaste geskenk was wat hy vir sy vrou gekoop het voordat sy op 2 Desember verlede jaar oorlede is.

“Hierdie hele jaar was net een reuse gemors,” het hy hartseer gesê.

Sy buurman se kringtelevisiekameras het gewys hoe ‘n wit bakkie voor sy erf stilhou.

Die diewe het die sluitmeganisme van die hek gebreek en die motorfiets op die bakkie gelaai.

Becke het bygevoeg dat sy honde, wat hy as sy ‘kinders’ beskryf, die nag binne geslaap het.

Hy is oortuig dat die diewe hulle sou vergiftig het indien hulle buite was.

“My ‘kinders’ is darem veilig, maar my hart is stukkend oor die motorfiets,” het hy afgesluit.

As jy die Honda VT1100 Shadow met registrasie LT85JW GP gewaar kontak Ettiene by 062 070 8084.