Jordan kort nog R50 000
Tot dusver kom die donasies stadig in en die jong rugbyster, Jordan Prinsloo, kort nog R50 000 om in Frankryk te gaan speel.
Die kalenderblaaie word afgeskeur en die horlosie tik, daarmee saam loop die tyd ook uit vir Jordan Prinsloo om R70 000 in te samel om die land in Frankryk te gaan verteenwoordig.
Jordan is ingesluit in die gesogte Bateleur o13-span wat vanaf 29 November tot 9 Desember deur Nice, Turyn, Lyon en Parys gaan toer.
Tydens die toer gaan die seuns nie net kragte meet teen top Franse jeugspanne nie, maar ook ’n intensiewe rugbykliniek bywoon om hul vaardighede na die volgende vlak te neem.
Lees meer hier: Waggies se losskakel is op pad Frankryk toe
Vir dié kranige rugbyspeler van Laerskool Onverwacht is hierdie nie net sy eerste oorsese rugbytoer nie, dit is ook die begin van ’n moontlike aksiebelaaide rugbyloopbaan.
“Ek is ongelooflik trots om aangekondig te word as deel van die Bateleur rugbyspan. Hierdie toer is ’n groot eer en ’n droom wat bewaarheid word. Ek is opgewonde om nuwe vaardighede aan te leer en teen internasionale spanne te speel,” het die spoedvraat gesê.
Jordan kort nog R50 000. Die bedrag sluit vlugte, verblyf, etes, spanklere en toergelde in.
Elke donasie bring die jong rugbyster nader aan sy rugbydroom.
Daar is ’n BackABuddy skarebefondsing gestig en as jy daarop kliek, kan jy Jordan ’n tree nader aan die Franse-toer bring.
Kliek hier: https://www.backabuddy.co.za/campaign/jordan-prinsloo-rugby-tour-to-france
Waggies se losskakel is op pad Frankryk toe
— WitbankNews (@WitbankN) May 1, 2026
Lees meer hier: adhttps://tinyurl.com/3pvwnj7 pic.twitter.com/IYcIRDkSYO
Jou stad, jou storie soos dit gebeur. Bly op hoogte met die jongste nuus met WITBANK NUUS,
Volg ons op website, Facebook, X, Instagram or TikTok Epos: info@witbanknews.co.za
