Derde evangelisasie opleiding begin
In hierdie kursus word lidmate en uiteindelik die hele gemeente gemotiveer en gemobiliseer om hierdie taak van evangelisasie uit te voer.
Jesus se opdrag in Matteus 28:19 sê vir ons die volgende: “Gaan dan heen en maak dissipels van al die nasies, en doop hulle in die Naam van die Vader en die Seun en die Heilige Gees; en leer hulle om alles te onderhou wat Ek julle beveel het.
“Hierdie opdrag is nie net tot die predikers gerig nie, maar tot elke mens wat God waarlik liefhet. En doen Jesus dan ook ’n beroep op die mens as hy in Matteus 9:37 sê: “Die oes is wel groot, maar die arbeiders min”, het pastoor Kiewiet van Staden van die Elkana Gemeenskapskerk gesê.
Hy het gesê die verklarende woord stel dit as volg: “Daar is baie mense wat eintlik soek na ’n goeie verhouding met Jesus; as iemand hulle net sal wys hoe om by Hom uit te kom.”
Dit is juis hierdie behoefte wat deur die EE III kursus aangespreek word, naamlik ‘evangelisasie-deur-elke-lidmaat’.
In hierdie kursus word lidmate en uiteindelik die hele gemeente gemotiveer en gemobiliseer om hierdie taak van evangelisasie uit te voer.
Die 10-weke kursus skop op 22 Junie af en die kostes is net R150 vir die materiaal en die boeke.
Indien jy belangstel om opgelei te word om die goeie boodskap uit te dra, kan jy gerus pastoor Van Staden skakel by 082 446 8583.
Jou stad, jou storie soos dit gebeur. Bly op hoogte met die jongste nuus met WITBANK NUUS,
Volg ons op website, Facebook, X, Instagram or TikTok
Epos: info@witbanknews.co.za
