Wanneer die Happy-hookers begin hekel, is daar geen keer aan hulle nie.

Dié hekelklub het vanaf 30 Mei 12:00 tot 31 Mei 12:00 laat waai en 24 uur lank gehekel. Dit alles vir ’n groter doel.

Die lag en gesels het die moegheid gou lamgelê terwyl die horlosie se wysers ritmies tyd gehou het.

Teen die tyd dat die marathon se 24-uur-merk bereik is, het daar ’n pragtige stapel sagte, warm kombersies gereed gelê.

LEES MEER Vroue hekel en brei reg deur die nag om komberse te kan skenk aan hulpbehoewendes

Elke kombers is met die hand en met baie liefde gemaak, met die unieke patrone en kleure wat getuig van die ure se harde werk en toewyding wat in elke enkele steek ingegaan het.

Hierdie spesiale kombersies word nou geskenk aan diegene in die gemeenskap wat dit die nodigste het om die snerpende winterkoue af te weer.

“Dit is vir ons die hoogtepunt om al die pragtige kombersies so bymekaar te sien,” het Zenobia de Jager van die hekelklub vertel.

LEES MEER Die VLU Nocturne se oop harte is die grootste winskopie

Jou stad, jou storie soos dit gebeur. Bly op hoogte met die jongste nuus met WITBANK NUUS,

Volg ons op  website, Facebook, X,  Instagram or TikTok

Epos: info@witbanknews.co.za