Mama Mia – Marli is pragtig
Marli van der Merwe is op pad is na Indië om mee te ding vir 'n internasionale kroon.
eMalahleni het saamgetrek vir ‘n spesiale oggend ter ondersteuning van hul eie, die pragtige Marli van der Merwe, wat op pad is na Indië om mee te ding vir ‘n internasionale kroon.
Die doel van die dag was om fondse in te samel om haar droom moontlik te maak.
Die pragtige model wat eMalahleni se naam op die internasionale loopplank gaan verteenwoordig, het Andries du Preez op 18 Oktober as haar eregas gehad.
Andries het die gaste bederf met ‘n intieme kykie in sy wêreld, terwyl hy nie net uittreksels uit sy nuwe boek gedeel het nie, maar ook sy unieke talent met opvoerings ten toon gestel het.
Tussen die musikale nommers en goudklontjies gesegdes het Andries sy lewensverhaal gedeel.
Gaste het heerlik gesmul aan pers plaatkoekies en aarbeie wat die inspirerende oggend ingekleur het. Marli kort nog fondse vir Indië.
As jy wil help om Marli se droom te bewaarheid, kontak haar ma, Ria van der Merwe: 079 047 0995.
Breaking news at your fingertips … Follow WITBANK NEWS on our website, Facebook, Twitter, Instagram or TikTok
Chat to us: info@witbanknews.co.za
