Seekoeiwater se valk is dood
’n Kaalwangvalk wat uit ’n boom gered is nadat hy in vislyn verstrengel geraak het, is dood van ’n pelletpatroon wat in hom vasgesit het.
Die kaalwangvalk wat Vrydag uit ’n boom by Seekoeiwater gered is nadat hy in vislyn verstrengel geraak het, is dood.
Voëlliefhebbers was woedend toe hulle meegedeel is dat die valk vir X-strale geneem is en dit wys dat daar ook ’n pelletpatroon in sy lyf vassit.
Die X-strale het gewys dat die valk se vlerk gebreek was.
Lees meer hier Seekoeiwater se valk met ’n pellet geskiet
Die valk is na Birds of Prey in Dullstroom geneem vir rehabilitasie.
Die valk is al ’n geruime tyd in die Seekoeiwater-omgewing gesien en Piet Wassenaar, wat oor ’n MTPA-permit beskik om met wilde diere te werk, sê die valk het ’n nes in die omgewing gehad.
Hy het genoem die vislyn was afkomstig van ’n vlieër wat in die boom verstrengel geraak het.
Wassenaar het gesê die valk het goed geëet en die vlerk sou herstel, maar as gevolg van stres het die palletpatroon geskuif en die valk se dood veroorsaak.
Van ons lesers se kommentaar was:
“Ek wens hy kan voel hoe daardie valk voel wat daar is vir ons om sy skoonheid te ervaar en te waardeer, as hy vol pellets gelaai word,” het Rina du Plessis laat hoor. “Ek sal nooit verstaan hoekom mense hulle skiet nie,” het Adele Vercuseil gesê.
Petrus Liebenberg het genoem dat ’n uil onlangs in Hoëveldpark geskiet is.
Vrou wat verdink word van R36m-diefstal het vanoggend in die eMalahleni-landdroshof verkyn https://t.co/y46PZt5jFo #ezneventer #diefstal #R36miljoen @WitbankN @ZitaGoldswain https://t.co/frnOCnpV6W
— WitbankNews (@WitbankN) October 27, 2026
Jou stad, jou storie soos dit gebeur. Bly op hoogte met die jongste nuus met WITBANK NUUS,
Volg ons op website, Facebook, X, Instagram or TikTok
Epos: info@witbanknews.co.za
