GALLERY: Nog ‘n suksesvolle kunsmark

Organiseerders van die Pouveer by Greyvillea Kunsmark het vanjaar vir inwoners hoop probeer skep met nog ‘n suksesvolle en fantasiese mark.

Die kunsmark word jaarliks by die Doxa Deo gemeente in Meyersdal gehou.

Volgens die organiseerders was dit hulle mikpunt vanjaar om pryse so laag as moontlik te hou juis oor die finansiële impak wat Covid-19 op almal gehad het.

Nes voorheen was daar iets van alles vir jonk en oud en niemand het by die mark weggestap sonder ‘n sakkie of twee vol oulike goedere.

Vanjaar was daar ook ‘n paar nuwe plaaslike besighede wat uitgestal het. Die organiseerders het almal wat die kunsmark ondersteun het, bedank.