Voortrekkers begin 2022 met soet waatlemoen

Die Suiderlig Voortrekkers het die jaar op ’n hoogtepunt begin met ’n waatlemoenfees op 17 Januarie.

Lede van die Voortrekkers, asook nuwe lede, het saamgekom by Learskool Orion om soos gewoonlik saam te sing voor hulle saam na die veld beweeg het vir speletjies en pret.

Die Voortrekkers het saam deelgeneem aan speletjies soos waterresies, morsige meel treintjies en slangetjies en leertjies waar jy self op die bord rondbeweeg.

Na al die pret verby was, het almal saam ’n skuif waatlemoen geniet en sodoende die jaar op ’n soet manier begin.

Vir meer inligting oor die Suiderlig Voortrekkers of om aan te sluit kan jy gerus Ilvy skakel by 082 419 0994 of Engelie by 082 332 7717.