Brandwag spog met 100% slaagsyfer
Leerder prestasies word toegeskryf aan personeel toewyding
Hoërskool Brandwag se klas van 2022 het ‘n 100% slaagsyfer behaal en maak dus dié een van die stad se top presterende skole.
Van die 143 leerlinge wat verlede jaar hul finale eksamens afgelê het, het 98.58% geslaag met universiteitstoelating.
“Akademie is ons skool se kernbesigheid,” sê JN Wright, hoof van die skool.
“Wanneer leerders in matriek goed presteer, maak dit hul toekomskeuses makliker. Ons wil verseker dat Waggies elke geleentheid het om ‘n suksesvolle toekoms te bou.”
Leerders het hoë vakgemiddeldes in rekeningkunde, Engels, en kuns verwerf.
“Die puik prestasies word toegeskryf aan personeel wat ekstra klasse deur die jaar aangebied het,” het Wright gesê.
“Leerders presteer in ‘n akademies-gerigte atmosfeer waar die onderwysers goed voorbereid is en passievol oor klasgee is.”
LEES OOK: Brandwag skitter in eindeksamens
LEES OOK: Brandwag spits hul aandag op boelies
