Plaaslike verkenner op nasionale vlak vereer
Die kommando is trots op die verkenner se prestasie
Wilmien du Plessis van die Baanbreker Voortrekkers het onlangs op nasionale vlak uitgeblink.
Wilmien, wat verlede jaar ’n Graad Sewe leerder te Laerskool Baanbreker was, het die Voorslag-toekenning verwerf.
Dit is die hoogste toekenning wat ’n Voortrekker kan kry in hulle laerskoolloopbaan.
Graad Sewes verwerf die Voorslag-toekenning nadat hulle aan die vereistes van die Voorslagproses voldoen het. Die proses sluit in die bywoning van ’n sekere aantal gebiedskampe, die suksesvolle voltooïng van ’n sekere aantal spesialisasies, belofte spesialisasie en aantal jare diens in die Voortrekkers.
Hennie Venter, kommandoleier, het Wilmien geluk gewens met haar toekenning.
“Die kommando is trots op haar prestasie,” het hy gesê.
Lees Ook: Susan Badenhorst Kommando-verkenners verwerf gesogte toekennings
Lees Ook: Baanbreker Voortrekkers gaan groen
