Hoërskool Dr EG Jansen het sy harte oopgemaak teenoor Cupcakes of Hope, ’n welsynsorganisasie wat hom beywer vir bewusmaking en geldinsameling vir kinders met kanker.
Die Jansieraad het kolwyntjies gebak en op 11 en 12 Maart vir R10 by die skool verkoop met die doel om die wins aan Cupcakes of Hope te skenk. ’n Totaal van R5 780 is ingesamel.
Van die leerders het ook items soos geel linte in hul hare gedra om bewustheid oor kinderkanker te kweek.
Volgens Marilize Burger, een van die organiseerders, was die projek die leerlingraad se liefdagdigheidsprojek vir die maand.
Sy het die inisiatief as ’n sukses beskryf en almal bedank wat die Jansieraad se projek ondersteun het.
Lees Ook: EG Jansen spog met briljante tennisspelers
Lees Ook: Baanbreker en EG Jansen spog met nuwe Graad Eens en Graad Agts
