Kom spog gratis met jou tuisgemaakte of hangemaakte produkte

Het jy ’n mikro-onderneming wat tuisgemaakte of handgemaakte items verkoop? Sukkel jy om die woord oor jou produkte daar buite te kry? Dan het ons net die oplossing vir jou.

Ons besef dat talle mense deur die pandemie geraak is. Sommige mense het hul werk verloor en begin (of het al begin) om by die huis te bak of juwele te maak om kop bo water te hou.
Hierdie is die mense na wie ons uitreik en ’n helpende hand voor wil gee.
Boksburg Advertiser wil jou graag die geleentheid gee om jou mikro-onderneming gratis op ons aanlynplatform te lys.

Ons nooi julle uit om van hierdie geleentheid gebruik te maak om jou tuisgemaakte of handgemaakte items ten toon te stel.
Die enigste kriteria wat sal geld is dat jou produkte streng tuisgebaseer is en die produkte moet tuisgemaak of handgemaak wees.
Ons is op soek na Oom Frik en sy Biltong Paleis, Tania se Gehekelde Knuffelmaats, Thabo en sy Shisa Nyama Stalletjie, Sally se Unieke Sandale, Herschelle se Heerlike Nagereg of VJ se Samoesa Hoekie.

Al wat jy moet doen is om jou naam, van en kontaknommer, e-posadres, beskrywing en ’n foto van jou produkte asook ’n Facebook-skakel of webblad-skakel na immaculatem@caxton.co.za te stuur. Ons sal die res doen.

Kom ons #ONDERSTEUNBOKSBURG #ONDERSTEUNTUISGEMAAK #ONDERSTEUNHANDGEMAAK #CAXTONCARES

Lees Ook: Tell us for free about your home-made or handmade goods

Lees Ook: #WinterWoolDrive: Advertiser’s Wool project receives welcome boost