Lefra bring hulde aan Gé Korsten
Frans Swart, regisseur van Gé Sing: Hoor My Lied! sê dit is vir hom ‘n voorreg om hierdie besondere produksie aan te bied.
Gé Korsten het op 29 September 1999 gesterf.
Op die presiesde dag, 25 jaar later, bring Lefra Produksies hulde aan hierdie legendariese sanger met Frans Swart se huldeblyk produksie, Gé Sing: Hoor My Lied! wat op 29 September om 15:00 by Emperors Palace Theatre of Marcellus aangebied word.
Frans Swart, regisseur van Gé Sing: Hoor My Lied! sê dit is vir hom ‘n voorreg om hierdie besondere produksie aan te bied.
“Na soveel jare kom ‘n mens weer onder die besef oor watter rol Gé in die Afrikaanse, maar veral ook die Suid-Afrikaanse musiekbedryf gespeel het,” het Swart gesê.
“Sy musiek, sjarme, omgee, sy menswees sal vir altyd onthou word!”
Gé Sing: Hoor My Lied! word vir slegs een vertoning aangebied met Arina de Witt, Louis Loock, Stephanie Baartman en Fatman (Johan Brummer).
Besprekings kan aanlyn by www.LTickets.co.za gedoen word. Groepe van 10 of meer kry oudergewoonte afslag deur Lefra Produksies te skakel by 011 815 3000, of ‘n e-pos te stuur aan admin@lefra.com
Lees Ook: Huldeblyk: Vier Gé Korsten se lewe in die gemak van jou sitkamer
