Dinge lyk nie mooi op die oomblik nie

Inwoner skryf per e-pos:
Die beurtkrag van die afgelope tyd is baie ongerieflik en mors my geld. Ons sit vir ure sonder krag, maar ons maandelikse munisipale rekeninge word nie minder nie. Eintlik betaal ek elke maand net meer en meer.
Ons het twee klein kinders en het nie geld om wegneemkos te koop of vir ’n kragopwekker nie.
Maar wat vir my die grootste probleem is, is dat baie mense nie weet hoe om te bestuur wanneer die verkeersligte nie werk nie.
Daar word ook nie plan gemaak om verkeersbeamptes by besige kruisings te plaas nie.
Dinge in die land lyk nie baie mooi op die oomblik nie.