Jong leerder se talente het geen einde
“Al gaan dit soms moeilik, laat hy niks in sy pad staan nie.”
Jaundré Stander (14), ’n leerder aan Hoërskool Stoffberg, se talente laat die koppe behoorlik draai. Stander presteer in akademie en kultuur, en daar is geen keer aan die jongman se talente nie.
Hy het sy sangtalent op die ouderdom van sewe ontdek en het al op 12 met kitaarlesse begin.
Stander was Laerskool Môrewag se onderhoofseun vir 2020, waar hy gereeld die top 10 vir akademie gehaal het.
Hy het vanjaar as graad agt leerder aan Hoërskool Stoffberg voortgegaan om nuwe talente te ontdek.
Skytfskiet, drama en kunswedstryd het hy reeds bemeester.
“Kunswedstryd is waar wat elke kind geleentyd kry om met hul talente te spog en waar hul hulself kan uitleef,” het Liza Stander, Jaundré se ma, vertel.
LEES OOK:
Decorate your house outside with Christmas lights
In sy spaar tyd bou hy graag rekenaars op en herstel dit. Stander het vanjaar by ’n kunswedstryd aan 46 items deelgeneem, waar hy agt A+, 15 A++ en 18 A+++ ontvang het.
Hy is as die beste manlike akteur van 2021 aangekondig en neem ook deel aan die Allegretto Inter-Provinsiale Eistedfodd, wat hom reg oor die land neem.
In 2015, het Jaundré ’n gospel kompitisie vir sy ouderdomsgroep gewen. Toe hy 9 en 11 was, het hy op KykNet se Solis vir Christus verskyn en deurgedring na die top 10.
Hy wil graag sang as beroep beoefen en is bereid om hard daarvoor te werk.
“Al gaan dit soms moeilik, laat hy niks in sy pad staan nie.”
LEES OOK:
Initiative to mitigate the effects of climate change on food insecurity launched
