Koffie word kuns by Brakpan VLU se maandvergadering

Die VLU Brakpan-tak het Dinsdag bymekaargekom vir hul maandelikse vergadering, waar hulle meer geleer het oor waterverf skilderye met ‘n interessante bestanddeel – koffie.

Wat koffie skilderye moeilik maak, is dat koffie as medium baie deursigtig is, en dit verg baie lae op droë lae om ’n diep skaduwee te skep.

Daarom is dit belangrik om die tegniek aan te leer by iemand wat bevoeg is. Carin Maree, ’n kuns onderwyser van Springs, het die klas aangebied.