Met die aanbreek van 2026 het Zané Barnard, ’n trotse Graad 11-leerder van die Hoërskool Stofberg, die jaar op ’n besondere manier afgeskop.

Zané is verlede jaar gekroon as Mej Stofberg en het besluit om die titel te gebruik om ’n verskil te maak waar sy ook al kan.

Om haar standpunt mee af te skop, het sy huishoudelike items, kampgereedskap, klere en speelgoed bymekaar gemaak en dit onlangs aan die Brakpan DBV geskenk.

“My doel hiermee was dat die items weer verkoop sal word om fondse in te samel vir die versorging en beskerming van diere in nood,” het Zané vertel.

“Ek geniet dit om liefdadigheidswerk te doen, en dit is vir my baie belangrik om my skool se naam hoog te hou,” het sy bygevoeg.

Sy glo vas dat ’n mens nie gemeet word aan wat jy het nie, maar aan wat jy kan bied.