Just Wheels Bakkiedag beloof pret vir almal
Just Wheels se maandelikse opedag plaas dié keer bakkies in die kollig, met gratis toegang en vermaak vir die hele gesin.
Die Just Wheels Motorklub se maandelikse opedag wat Sondag (30 Augustus) plaasvind, plaas dié keer die kollig op bakkies.
Die klub se Bakkiedag vind by die klubhuis te Kitzingerlaan 169, Dalview plaas en die hekke sal om 09:00 open.
Die toegang is gratis, maar besoekers word aangemoedig om Sunny’s Pet Outreach te ondersteun deur honde- of katkos te skenk.
Dié dierewelsyn-NPO sal die skenkings aanwend om voort te gaan met die versorging en redding van diere wat in nood verkeer.
Persone wat belangstel om bloed te skenk kan aandoen by Die Suid-Afrikaanse Nasionale Bloeddiens se tent.
Besoekers kan verder uitsien na ’n uitstalling van ander voertuie, kosstalletjies, ‘n vlooimark asook vermaak vir kinders deur die loop van die dag.
Geen oop vure of alkohol sal op die terrein toegelaat word nie. ’n Gelisensieerde kroeg sal wel op die perseel beskikbaar wees.
ALSO CHECK: VIDEO: Brakpan remembers a ‘gentle giant’ of the justice system
ALSO CHECK: Vacant Brakpan Red Cross Eventide Old Age Home targeted by thieves
