Die eerste rugbyspan van PAM Brink Laerskool in Springs het onlangs aan die Tulee Rugbyreeks, by Hoërskool Stoffberg in Brakpan, deelgeneem.

Hulle het ’n uitstekende derde plek in die reeks behaal en deur die reeks sterk spel en goeie spanwerk gewys.

Die goeie eienskappe het gelei tot ’n oortuigende oorwinning teen Laerskool Bredell in een van hul wedstryde, met ’n puntetelling van 70-0 wat daarvan getuig.

Onder leiding van hul afrigter, Rhys Edwards, het die spelers groot vasberadenheid en sportmangees getoon.

“Die span se harde werk, dissipline en samewerking op die veld het ’n groot rol gespeel in hul sukses tydens die toernooi,” het hy gesê.

“Die prestasie is ’n groot trots vir PAM Brink en wys die potensiaal van die span vir die res van die rugbyseisoen. Ondersteuners en ouers sien uit na nog sterk vertonings van die span in die toekoms,” het hy afgesluit.