Hoërskool Fochville het die afgelope week die skool se nuwe hoofleiers aangewys.

Zak Pieterse is die hoofseun vir 2026 terwyl Zané Mulder die skool se nuwe hoofmeisie is.

Dewald Prinsloo is die onderhoofseun en Jodyn Deacon die onderhoofmeisie.

“Baie geluk aan die nuwe hoofleiers met julle aanstelling. Mag hierdie rol vir julle ‘n geleentheid wees om met wysheid, respek en toewyding te lei. Ons vertrou dat julle ‘n positiewe verskil sal maak en ‘n inspirasie vir ander sal wees,” het die skool se hoof, me. Erna Nortjé gesê.