Twee leerders van Laerskool Dagbreek in Carletonville het onlangs gewys dat hulle van die beste junior rugby spelers in Gauteng is.

Volgens dié skool se woordvoerder, Colene Rudolph, is Reggardt Botha en Zander Esterhuizen vir die Goue Leeus gekies. Reggardt is ‘n o13-speler terwyl Zander vir die o12’s op die veld sal draf.

“Daar was verskeie uitdunne gehou, waar van Dagbreek se ander seuns ook deel was, maar dié twee seuns het tot die einde vasgebyt. Ons as Dagbreek is trots op hulle en kan nie wag om te sien hoe hulle as rugbyspelers groei die res van die seisoen by die Leeus nie,” sê Rudolph.