FRC-atlete pak Two Oceans

Verskeie van ons omgewing se atlete het verlede naweek die Two Oceans aangedurf.

April 17, 2024

Adele Louw Less than a minute

Twee van FRC se atlete, Coleen Schmidt en Ian du Plessis tydens die Two Oceans.

Verskeie lede van die FRC (Fanatics Racing Club) van Fochville het die afgelope naweek aan die Two Oceans ultramarathon deelgeneem.

Dié 56 km wedloop is Saterdag in Kaapstad gehou.

Volgens ‘n woordvoerder van die klub, Elmarie Hayes, was Paul du Plessis die eerste FRC atleet oor die eindstreep toe hy die wedloop in 05:53:55 voltooi het.

Ian du Plessis was die tweede klublid tuis in ‘n tyd van 05:57:55 terwyl Coleen Schmidt derde in ‘n tyd van 06:00:06 was.

Die tye van die ander FRC-lede was David Volkwyn (06:06:20), Tuness Prinsloo (06:33:59), Lumeri Feyt (06:45:46), Stefan Feyt (06:45:47), Olebile Pule (06:50:38), Adrian Stallenberg (06:53:43), Jabulani Naas Lambert (06:55:23) en Elizabeth de Beer (06:56:26).