Daar gebeur snaakse goed in die aande in die rykmansbuurt van Drie Riviere-Oos. Soos dié drie vandale wat Vrydagaand skynbaar vir geen rede besluit het om ’n stopteken op die hoek van Hawthorne- en Flamingostraat te vandaliseer. Op geslotekring-beeldmateriaal wat omstreeks 21:45 geneem is kan mens sien hoe drie jongmanne die padteken ruk en pluk. Die padteken het die volgende dag skeef gestaan. Die video is besig om opslae te maak nadat dit onlangs op sosiale media versprei is. “Dit lyk soos drie hoërskoolseuns wat ‘n goeie pakslae kort,” meen ‘n inwoner met wie Vaalweekblad gesels het. Daar is nou ‘n soektog na die seuns gelas. Volgens haar was daar die afgelope tyd ‘n toename in vandalisme in die omgewing.

Kyk video hier: