Hoërskool John Vorster se 2014 matriekgroep het altesaam 58 onderskeidings opgelewer. Dit volg na die nasionale bekendstelling van 2014 matriekuitslae op 6 Januarie. Die algehele slaagsyfer het met 1.5% van 97.4% na 95.9% gedaal en 32% van die leerders het met graad-toelating geslaag, terwyl 58% kwalifiseer vir diploma studies.
Die hoof, Mnr Nelis van Dyk het gesê hy is tevrede met die resultate, veral omdat 90% van die leerders kwalifiseer om verder te studeer. Van die toppresteerders is Karen Janse van Vuuren wat met onderskeidings in Afrikaans (huistaal), Engels (eerste addisionele taal), Wiskunde, Lewensoriëntering, Rekeningkunde, Besigheidstudies en Lewenswetenskappe spog, asook André Reynders (Afrikaans – huistaal, Wiskunde, Lewensoriëntering, Rekeningkunde, Besigheidstudies en Rekenaar Toepassingstegnologie). Joané Nel het onderskeidings in Lewensoriëntering, Rekeningkunde en Besigheidstudies en Su-Ané Rocher onderskeidings in Lewensoriëntering, Rekeningkunde en Lewenswetenskappe behaal.
