Boet Smal is vroeër vanaand op sy Boschfontein plot vermoor toe rowers by sy woning ingebreek het.
Die voorval het omstreeks 17:20 op die hoek van Flamink- en Kwikstertjiestraat plaaasgevind. Daar word beweer dat twee verdagtes die grusame daad gepleeg het.
“Die rowers het die man twee keer in die kop en een keer in die bors gesteek,” het Heidelberg SAPD woordvoerder kaptein Thivhulawi Tshilate gesê.
Smal, in sy sewentigs, en sy vrou het glo televisie gekyk toe die rowers hulle met messe aangeval het. Sy vrou is met verskeie steekwonde in ‘n kritieke toestand in Parkland Kliniek opgeneem.
Daar word beweer dat slegs ‘n vuurwapen en selfone gesteel is.
Geen arrestasies is gemaak nie.
HERAUT sal meer inligting verskaf sodra dit beskikbaar is.
Volg ons op:
