Volkie wys sy staal op die Gary Player-baan

Hoër Volkskool-leerder en talentvolle gholfspeler Regard le Roux (Graad Nege) weet beslis hoe om voëltjies aan te teken.

Regard het tydens die skoolvakansie sy staal gewys op die bekende Gary Player-gholfbaan by Sun City.

Hy was op 14 en 15 Julie in aksie waar hy aan die Sun City o15-seunstoernooi deelgeneem het. Le Roux het op 14 Julie ’n baantelling van 78 aangeteken en op 15 Julie met ‘n 80 gespog.

Uit 80 deelnemers het hy ’n stewige 15de plek behaal – ’n trotse prestasie vir die jong Volkie-gholfer.