Hoërskool John Vorster se Lamiah Knight was die onderkaptein van haar o16-hokkiespan wat aan die Rhino Week-streekkampioenskappe by die Vaal Universiteit van Tegnologie se kampus in Vanderbijlpark deelgeneem het.

Die kampioenskappe het van 7 tot 11 Julie plaasgevind, en die span is as die algehele streekkampioene aangewys.

“Baie geluk aan Lamiah en haar span. Julle harde werk, toewyding en uitstekende spanwerk het vrugte afgewerp. Ons is ongelooflik trots op jou prestasie en die manier waarop jy jou span deur die toernooi verteenwoordig het,” lui ‘n plasing op die skool se Facebook-blad.