Onderwyskollege oud-studente onthou ysige dag van sneeu op kampus
Die kollege is bedek in 'n dik laag wit flokkies wat ontaard het in 'n sneeugeveg, sneeu-manne en -vroue, en pragtige fotos.
Soos oud-studente van die Heidelbergse Onderwyskollege (HOK) terugdink aan die gebeure, tradisies en besondere oomblikke wat deel van die kollege se geskiedenis geword het, staan een dag veral uit.
’n Uitsonderlike koue dag in 1964 toe die kampus onverwags deur ’n dik laag wit sneeu bedek is. Die herinneringe vorm deel van die opbou na die kollege se 60-jaar-reünie in 2027.
Die seldsame weerverskynsel was beslis nie op die klasrooster nie, maar die studente se aandag was gou nie meer by die lesings nie.
FOTO: Verskaf.
Daar is besluit om alle klasse te verdaag sodat almal die buitengewone sneeuval kon beleef.
Studente het na die rugbyveld gestroom waar groot sneeugevegte uitgebreek het.
Die personeel het warm tee by al die koshuise voorberei vir koue hande en voete, en selfs die rektor, HJ de Jager, kon nie die versoek weerstaan om saam met die studente aan die pret deel te neem nie.
Die kollege se Van Wyksaal was behoorlik in ’n sneeukombers gehul, terwyl studente op die rugbyveld saamgedrom het om die seldsame gebeurtenis te vier.
