’n Span vol narre, kulkunstenare, sigeuners en ringmeesters is op 7 November onderweg gewees na die Olifants River Lodge buite Middelburg vir die 36ste Oscar Frewin Awards.

Die Oscar Frewin Awards word jaarliks aangebied en die Hoëvelder ding teen koerante van Standerton, Middelburg, Witbank, Delmas, Bronkhorstspruit Secunda en Groblersdal, mee.

Die Hoëvelder-span het gepas vir dié sirkus-geïnspireerde-aand aangetrek en selfs verskeie toekennings opgeraap.

Hoëvelder Redakteur, Wayne van der Walt, het die Oscar Frewin Trofee vir Fotograaf van die Jaar ontvang, Sportfoto van die Jaar, ’n spesiale toekenning van beoordeellaar, Peter Morey, vir deurlopend konsekwente foto’s van uitstekende gehalte, ’n derde plek vir Nuusfoto van die Jaar en ’n derde plek vir Voorblad van die Jaar.

Hoëvelder joernalis, René Joubert, het ook beïndruk met ’n tweedeplek vir Opkomende Joernalis van die Jaar, ’n derdeplek vir haar skrywe in die Menslike Nuus-afdeling asook ’n benaming in die Sportfoto van die Jaar-afdeling.