Me. Tanya Jansen van Vuuren het onlangs die inisiatief, waar inwoners plakate van reënboë maak en in hul venster vertoon, in Ermelo geloods.

Sy het vertel dat haar man in Amerika werk en sy het die inisiatief op een van die Amerikaanse Facebookblaaie gesien.

Sy het dit goed gedink om Ermeloërs ook uit te daag om dieselfde te doen.

“Die vertoning van dié plakate dien as ’n boodskap van hoop in die tydperk waar soveel mense regoor die wêreld deur die Covid-19 virus geraak word.”

In die boodskap wat sy op haar Facebookblad geplaas het, verduidelik dit dat die inisiatief kinders leer om in ’n tyd waar almal onseker is oor wat nog gaan kom, geloof bo vrees te kies.

Sy het alle Ermeloërs uitgedaag om die projek aan te pak en Ermelo vol reënboë van hoop te maak.

Talle mense het al die uitdaging aanvaar en het hul plakate op sosiale media gedeel.

Siende daar verskeie ouers is wat ook in die tyd wonder waarmee hul die jong klomp mee kan besig hou, is dié die antwoord.

Deel gerus ’n foto van jou gesin se plakaat van hoop in die kommentaar onder die berig.