Weens die nasionale inperking om die verspreiding van die Covid-19 virus te bekamp, Ermelo-boere bekommerd oor die daling van vleispryse.

Volgens mnr. Janneman Robberts, een van die boere in die Ermelo-omgewing, het die ekonomiese druk op boere geweldig verhoog, met speenkalfpryse wat onderdruk is weens aanbod aanvraag wat gedaal het, met restuarante wat gesluit is.

Mnr. Wikus Botha het bygevoeg dat meeste boere nou voor die winter hul kalwers speen om hul koeie te spaar.

“Ons wil eintlik die kalwers verkoop om nie die kalwers ook deur die winter te dra nie, maar met die pryse wat nou so af is, staan boere voor ’n moeilike keuse.”

Mnr. Robberts het ook vertel dat die wolmark op merinos gedaal het, omrede daar nie veilings was nie asook wol wat nie verskeep kon word nie weens die hawens wat gesluit is.

Dit het op sy beurt die boere se kontantvloei onderdruk geplaas.

Die rand wat verswak teen die dollar het die mielieprys positief beïnvloed, maar met die land wat ’n rommelstatus toegeken is, het dit die boere se insetkostes, wat kunsmis, diesel en medisyne onder andere insluit, verhoog.

Boere oor die algemeen het gemengde gevoelens oor die inperking, party is van mening dat dit ’n goeie idee was, sodoende beperk dit die effek wat die pandemie sou hê,  maar daarenteen voel ander dat strenger voorsorgmaatreëls ’n beter opsie sou wees.