Man, vrou en kinders van Ermelo deur gewapende mans aangehou en vermoedelik gemartel
Volgens me. René Joubert, Hoëvelder joernalis wat tans op die toneel is, is inligting tans vaag, maar na bewering het die mans geld geëis en is die man glo in aanskou van sy vrou en kinders met ’n strykyster gebrand.
ERMELO – ’n Man was vanoggend omstreeks 7:15 deur drie gewapende booswigte oorval, aangehou en na bewering gemartel in Generaal Bothastraat.
Na wat verneem word het die insident plaasgevind net nadat die man die hek oopgemaak het om sy kleinkinders skooltoe te neem.
Die mans het hom oorrompel en hom asook die kinders in die huis geneem waar hul aangehou is.
Volgens me. René Joubert, Hoëvelder-joernalis wat tans op die toneel is, is inligting vaag, maar na bewering het die mans geld geëis en is die man in aanskou van sy familie met ’n strykyster gebrand.
Die huis is geplunder in die mans se soektog na geld, maar volgens beskikbare inligting, is slegs elektriese toebehore, ’n kamera, skootrekenaar en selfoon gesteel.
Die polisie asook ACSU is op die toneel.
Inwoners sal op hoogte gehou word, sodra meer inligting versamel is.
