CAROLINA – Plaaslike owerhede het nie gras onder hul voete laat groei nie en het ’n reuse soektog na die verdagtes in die moord op twee bejaarde inwoners, me. Leonore Steenkamp en mnr. Renier Lense, van stapel gestuur. 

Volgens inligting van die Carolina polisiewoordvoerder, sersant Thabang Mokwana, is vier mans tussen die ouderdom van 18 en 30 jaar oud, op 22 Februarie in hegtenis geneem in die verband. 

LEES OOK: Bejaardes se liggame in hul huis gevind

Dit is tans onduidelik hoe hulle vermoor is, maar volgens sersant Mokwana het die man sigbare wonde aan sy kop gehad.

Inligting oor die vrou se beserings is nie aan die Hoëvelder bekendgemaak nie.

Die vier mans staan tereg op aanklagte van moord en roof.

Hulle name kan nog nie bekendgemaak word alvorens hul nie in die hof verskyn het nie.