CAROLINA – Die polisie in Carolina ondersoek ’n moordsaak nadat die liggaam van ‘n 56-jarige vrou met geweerskote op 5 Mei in haar voertuig voor haar huis gevind is.

Volgens Sers Thabang Mokwana, Carolina polisie woordvoerder, het ‘n kollega van die vrou onraad vermoed toe sy nie vir werk aangemeld het nie

“Sy is toe na die slagoffer se huis om ondersoek in te stel, waar sy met haar aankoms by die huis, haar kollega se voertuig wat geluier het, voor die hek met haar liggaam in die bestuurderssitplek gevind het,” het Sers Mokwana gesê.

Die polisie is in kennis gestel en noodpersoneel het die vrou op die toneel dood verklaar.

Die Hoëvelder sal leser op hoogte hou sodra meer inligting ontvang is.