ERMELO – Die dorpenaars is verward oor die nuut geverfde padmerkers in Kerkstraat.

Die regterbaan wat vanaf Amersfoort inkom, is nou na ’n verpligte draai na regs in die rigting van Piet Retief verander.

Sodra ’n bestuurder wat in die teenoorgestelde rigting ry ’n baanwisseling wil maak om regs te draai, beweeg hulle dan in die aankomende verkeer se baan in.

Hans Nienaber het ’n video van die padmerke aan Hoëvelder verskaf. Hy sê dat hy reeds drie keer daar verby is, en elke keer heers daar verwarring onder die motoriste.

“Ek het dit ook met ons plaaslike verkeersafdeling opgeneem, wat kennis daarvan dra,” het hy gesê.

Motoriste word aangeraai om uiters versigtig in hierdie gebied te bestuur.