ERMELO – Feesgangers het Saterdag die gunstige weer by die Wildman Oktoberfees by Indawo geniet.

Die dag het met ‘n Krugerwildtuin-toergidsvertoning afgeskop, waarna die rodeo om 12:00 ‘n groot skare gelok het.

Verskeie plaaslike kunstenaars het vir die vermaak gesorg en die stalletjies het iets vir almal gebied.

Van heerlike kos en iets kouds om te drink, was daar geen tekort nie.

Die kinders het Frogfoot se speelarea met verskeie springkastele en ander speletjies geniet, en borrelgewere was een van die hoogtepunte van die dag.

‘n Meganiese bul het waaghalsige inwoners die geleentheid gebied om te kyk hoe lank hulle kon opbly.

Adam Tas en Fatman het later die aand opgetree, waarna ‘n veiling die verrigtinge afgesluit het.