Talle Afrikaners sal vanjaar weer Geloftedag op 16 Desember herdenk en die organiseerders van die Holland Geloftefees nooi alle inwoners uit om die dag saam met hulle te geniet.

Dié dag gedenk die gelofte wat die Voortrekkers op 16 Desember 1838 gemaak het.

Die feesterrein sal om 08:30 open, waarna ‘n perdeoptog om 09:00 plaasvind.

Feesrede wat deur Dawie Swanepoel gelei word en die diens wat deur ZD Buchling gelei sal word, vind om 11:15 plaas, gevolg deur pret vir die jongspan.

Die middagete sal om 13:00 bedien word en die boeresport skop om 14:30 af.

Inwoners word aangeraai om hul eie kampstoele, eetgerei en kontant vir koeldranke en lekkernye saam te bring.

Gedurende die fees sal daar hemde te koop wees waarop die kinders kan verf.

Die Holland Geloftefees vind sowat 30 km buite Ermelo op die Amersfoort-pad plaas.

Vir meer inligting, skakel Wikus Botha by 078 120 3632 of Marthinus Bam by 072 120 0160.