Vyf gimnaste van Ermelo Gimnastiek het op 2 September aan die Mpumalanga Gimnastiekproewe in Mbombela deelgeneem.

Hierdie gimnaste het goeie prestasies behaal, en het daarin geslaag om te kwalifiseer om Mpumalanga-kleure te verwerf.

Agter: Teresa Pace, Marizelle Burger en Charlize Clifford. Voor: Gabriella van der Westhuizen en Sthabile Mazibuko.
Foto | Verskaf

Hulle sal Mpumalanga tydens die SA Gimnastiekkampioenskap op 5 Oktober in Pretoria verteenwoordig:

• Charlize Clifford – tweede plek in spronge en algehele derde plek
• Sthabile Mazibuko – tweede plek op vloer en derde plek op balk
• Teresa Pace – derde op vloer en derde op brug
• Gabriella van der Westhuizen – eerste op die brug.

Thina Jansen van Rensburg, ‘n afrigter by die Ermelo Gimnastiekklub, het hierdie leerders gelukgewens en hulle sterkte vir die SA kampioenskap toegewens.