ERMELO – Vanjaar se Indawo Oktoberfest op 6 en 7 Oktober was ‘n naweek van pret soos geen ander nie.

Vrolike musiek met die gelag en gespeel van kinders in die agtergrond het die perfekte atmosfeer geskep.

Feesgangers het beide dae gunstige weer geniet.

Vrydag het afgeskop met ‘n potjiekos- kompetisie, waarna die rodeo ‘n groot skare gelok het.

Verskeie plaaslike kunstenaars het vir die vermaak gesorg, en die stalletjies het iets vir almal gebied. Van heerlike kos en iets kouds om te drink was daar geen tekort nie.

Die kinders het die speelarea met verskeie speletjies geniet, en borrelgewere was een van die hoogtepunte van die dag.

‘n Meganiese bul het waaghalsige feesgangers die geleentheid gebied om te kyk hoe lank hulle op kon bly.

Piet Pompies, Jay en Lianie May het die feesgangers vermaak.

Die organiseerders van die fees het elke borg wat die fees moontlik gemaak het, vir hul bydrae bedank.