AfriForum-takke en die Daisies knap Chrissiesmeer op
Die takke in samewerking met die Daisies het gesorg dat die dorp so bietjie opgeruim word.
CHRISSIESMEER – AfriForum se Ermelo- en Chrissiesmeer-tak en die span van die Daisies het onlangs ‘n skoonmaakprojek in die dorp voltooi.
Die Daisies is ‘n groep vrywilligers van Chrissiesmeer en Kwa-Chibikhilu wat help om die dorp skoon te maak.
Vullis is tydens dié projek vanaf Florence Wholesalers tot by die laerskool verwyder.
Foto’s | AfriForum
Lede het ook die ingange na sakeondernemings herstel omdat die randstene van die hoofstraat baie steil en skerp was.
Hierdie ingange is met doloriet opgevul sodat die motoriste die parkering kan gebruik sonder om hulle voertuie te skraap.
“Ons dorp is afhanklik van toerisme, en as die dorp sleg lyk, is daar mense wat eerder verbyry as wat hulle stop. Juis daarom maak ons die dorp skoon en hou dit netjies sodat toeriste veilig en tuis sal voel as hulle hier kom besoek aflê,” sê Millicent van den Heever, van die AfriForum Ermelo- en Chrissiesmeer-tak.
