EHS-tennisspelers kraai koning tydens Hoëveld-streek uitspeelwedstryde

Drie leerders van Hoërskool Ermelo het onlangs aan die uitspeelwedstryde van die Hoëveld-streek deelgeneem en uitstekende plekke behaal.

In die seuns o. 15-groep het Ryno Maritz ’n eerste plek en Rinehardt Böhmer ’n tweede verower.

Madri van Niekerk het vyfde in die dogters o. 18-afdeling geëindig.

“Baie geluk aan hierdie leerders. Die Erries is baie trots op hierdie tennisprestasie,” het die skoolhoof, Pieter Grobler, gesê.