Ermelo-bokser oefen om kishoue in Zambië uit te deel

Jonathan Swart, ‘n matriekleerder van Ligbron, berei homself voor vir die groot African Champs-boksgeveg wat in Desember in Zambië gaan plaasvind.

Jonathan werk hard daaraan om ‘n balans te vind tussen sy eindeksamen en oefeninge.

“Ek sal nie noodwendig sê dis positief nie. Ek probeer genoeg aandag aan beide kante gee.”

Hy sê dat dit moeilik is om die balans te vind, maar dat hy nie vir die uitdaging terugstaan nie.

Jonathan oefen elke dag vyf tot ses ure aan sy fiksheid en bokstegnieke.

Hy fokus ook daaraan om sy TikTok-profiel op te bou om kykers ’n blik te gee op die bokswêreld.

“As ‘n bokser kry jy nie regtig baie publisiteit nie, daarom werk ek daaraan om my naam daar buite te kry,” sê hy.

Lees die berig in Hoëvelder.