Waterwinkel kondig inkleurkompetisiewenners aan
Met die tema 'water is lewe', was dit belangrik om die leerders ook só bloot te stel aan hoe belangrik water in elkeen se daaglikse lewe is.
ERMELO – PureJoy Water Ermelo het onlangs ‘n inkleurkompetisie by verskeie kleuterskole op die dorp geloods.
Die kleuterskole wat die onderneming ondersteun se leerders het elkeen die geleentheid gekry om ‘n prentjie in te kleur om aan die pret deel te neem.
Die wenners by elke skool het op 13 November elkeen ‘n medalje, ‘n sjokolade en ‘n bottel water ontvang.
Met die tema ‘water is lewe’, was dit belangrik om die leerders ook só bloot te stel aan hoe belangrik water in elkeen se daaglikse lewe is.
Die gr. R-wenners van Apple Seed Primary School, JJ Preprimêr, Destiny Academy en Metanoia het na die volgende ronde van die kompetisie deurgedring.
Elke leerder moet ‘n prent teken met water as die hooftema, en kan vir hulself en hul skool ‘n prys wen.
