ERMELO – ’n Aantal inwoners was die afgelope week ontsteld oor die vullissakke wat nie deur die Msukaligwa Plaaslike Owerheid verwyder is nie.

Die gemors weens die sakgrouers en diere wat van die sakke oopgeskeur het, het die sypaadjies in verskeie strate ontsier.

Volgens ’n bron het die munisipale vullisverwyderingsvragmotors onklaar geraak en kon hulle nie die vullis in van die strate gaan afhaal nie. Dié bron sê dat die vullis op 9 Januarie verwyder sou word.

Vanessa Nel, Henno Pieters, Kotie Jonker en Annari Els is van die inwoners wat egter laatmiddag laat weet het dat hulle vullis in onderskeidelik Generaal Botha-, Potgieter-, Luitinghstraat en in Ermelo-Oos steeds nie verwyder is nie.

Volgens Hoëvelder se bron, is daar intussen laat weet dat die vullisverwydering wel vandag, 11 Januarie, uitgevoer word, hoewel hulle agter skedule is.

Lees die volledige berig in Hoëvelder.