Errie-netbalspanne pak Hoërskool Middelburg aan
EHS-netbalspanne het gemengde uitslae teen Hoërskool Middelburg behaal.
Hoërskool Ermelo se netbalspanne het op 27 Februarie kragte teen verskeie spanne van Hoërskool Middelburg gemeet.
EHS se o. 14A-span het teen die o. 15C-span en die o. 14A-span gespeel en het onderskeidelik ’n weneindtelling van 24-0 en ’n verlooreindtelling van 2-21 behaal.
Die Erries se o. 14B-span het teen Middelburg se o. 14C- en o. 14B-spanne te staan gekom en het albei wedstryde met onderskeidelik 1-27 en 1-15 verloor.
Die o. 15A-span het teen die teenstanders se o. 15A-span gespeel en met 3-24 verloor.
Op hul beurt het die o. 15B-span van EHS teen Middelburg se o. 15B- en o. 16C-span gespeel. EHS het die eerste wedstryd met 2-31 verloor en die volgende wedstryd met 12-6 gewen.
Die o. 16A-span het twee wedstryde gespeel. Die span het hul wedstryd teen Middelburg se o. 16A-span met 10-23 verloor en hul wedstryd teen die o. 17A-span met 11-23 verloor.
EHS se o.16B-span het 1-20 teen Middelburg se o. 16B-span verloor.
Die tweede span van EHS het teen die o. 19B- en o. 17B-spanne van Middelburg gespeel. EHS het die eersgenoemde met 10-13 verloor, maar die volgende wedstryd met 19-3 gewen.
Hoërskool Ermelo se eerste span het dié van Hoërskool Middelburg aangepak en ná ’n pragtige wedstryd met 40-9 as oorwinnaars uit die stryd getree.
